Kinumpirmar ti Philippine National Police (PNP) a maysa kadagiti narekobre a rurog idiay Taal Lake ket paset ti luppo ti maysa a tao.
Daytoy iti nakailanad iti initial report ngem saan pay a masinunuo no pudno a nagtaud daytoy kadagiti mapukpukaw a sabungero.
Immunan a kenuna ti PNP nga innem a rurog manipud kadagiti narekobre a sako iti nabigbig kas rurog ti tao.
Iti agdama, agtultuloy iti isaysayangkat nga eksaminasyon ti PNP Forensic Group tapno maamwan ken makumpirma a dagiti nakaikarga kadagiti narekobre a sako ket pudno a rurog ti tao ken rurog dagiti mapukpukaw a sabungero.
Maipalagip a naalaan ti DNA samples dagiti 12 a kabagyan dagiti mapukpukaw a sabungero ken manamnama a manayunan pay dagitoy bayat nga agtultuloy iti imbestigasyon.
Kabayatanna, pakabuklan a lima a sako dagiti narekobre manipud iti search area bayat nga agtultuloy iti maisaysayangkat a panagbatok wenno diving operations ti Philippine Coast Guard (PCG).
Palpalpasen metten ti PCG iti panagbirok iti umuna a quadrant ti search area kalpasan iti sumagmamano nga aldaw a panagbatok, sakbay da a turungen dagiti sabali pay a quadrant. Nagudwa iti uppat a quadrant iti search area a mapapati a nakaibellengan ti bangkay dagiti mapukpukaw a sabungero. #
