Naarestar iti maysa nga high-value drug pusher babaen ti naisayangkat a search warrant operation idiay Barangay San Nicolas Central, Agoo, La Union idi Nobiembre 6, 2025.
Nabigbig iti suspek nga agtawen ti 43, awanan trabaho, naibilang kas maysa nga high-value individual iti illegal drug trade, ken residente ti nasao a barangay.
Nakumpiskar iti ikot na ti nasurok-kumurang 15 a gramo ti mapapati a shabu a mapatta-patta nga agbalor ti P102,000.
Ti operasion ket naipatungpal babaen ti nagtitipon a pwersa ti Regional Intelligence Division of Police Regional Office 1, Agoo Police Station, LUPDEU, LUPIU, RIU1, RPDEU1, ken PDEA LUPO.
Maibasar iti report ti Agoo Police Station, nakumpiskar da pay manipud iti ikot ti suspek iti maysa a magazine nga addaan ti siyam a pidaso ti caliber .22 ammunition ken sumagmamano a drug paraphernalia.
Mapilaan isuna ti kaso a panaglabsing ti Republic Act 9165 wenno Comprehensive Dangerous Drugs Act of 2002, ken Republic Act 10591 wenno Comprehensive Firearms and Ammunition Regulation Act). ###
