LA UNION – Naibalod ti maysa a 35-anyos a misis gapu kadagiti kaso nga sangsangwen na, partikular ti panangibugaw iti dua nga agtutubo, nga edad 17 ken 20-anyos ken panangitugot iti maipawil nga agas.
Nabigbig ti suspek iti nagan a Genalin Bautista, addaan asawa, tubo ti Damortis, Sto. Tomas, La Union ken madama nga agnanaed idiay Barangay Rabon, Rosario, La Union.
Naamuan ti Bombo Radyo La Union kenni C/Inspector Albert Padilla, OIC-COP iti Rosario Police Station, nakimmeg ti suspek iti naisayangkat nga entrapment operation ken na-rescue met ti dua nga agtutubo a maipagarop nga ibugbugaw ti suspek.
Nakarekobre met dagiti otoridad ti tallo nga (3) heat sealed transparent plastic sachet ti marijuana nga inlimmeng ti suspek iti battery comparment ti kinumpiskar da nga cellphone na.
Gapu iti daytoy, sumangsango ti suspek iti kaso a panaglabding iti R.A. 9208 wenno Trafficking in Persons Act of 2003 ken R.A. 9165
