BR LA UNION – Maysa ti natay ken 35 dagiti nadundunor iti kellaat a timpuar a meteotsunami iti igid ti baybay manipud ti dua nga ili idiay Argentina.Napasamak ti kellaat a giant wave iti coastal town ti Santa Clara del Mar ken Mar del Plata.
Segun kenni Fabián García, director ti Civil Defense for Buenos Aires Province, ti biktima ket maysa nga agtutubo a lalaki kalpasan a ginuyod ti napigsa a dalluyon ken naiyablat iti batbato iti kabaybayan.
Maysa pay kunana ti nagsagaba iti heart attack bayat a 35 a tattao ti nagsagaba ti minor injuries.
Segun kadagiti otoridad, inladawan da iti meteotsunami nga “spurious,” agsipudta awan ti senyales wenno warning idi napasamak ti insidente.
Inladawan met dagiti beachgoers, a kadak-dakkel ti adigi ti dalluyon a timmama a nakaiyanudan dagiti beach umbrella, beach chairs, ken tattao nga asideg idi timpuar ti dakkel a dalluyon.
Gaputi dayta, temporaryo a nag-bakwit dagiti tattao iti beach resorts ken nai-deploy ti civil defense, health, tourism, ken security teams iti igid ti kabaybayan.
