Nakatuding a dumanon iti baro a record high ti meat import ti Pilipinas.
Iti bulan paylaeng ti Setyembre ket dumanonen iti maysa a milyon a metriko tonelada ti angkat ti pagilian gapo iti panagngato ti bilang dagiti gumagatang kadagiti karne ti baboy ken manok.
Segun iti Bureau of Animal Industry (BAI), ti meat imports manipud Enero agingga Setyembre ket dimmanonen ti agingga 1.039 milyon a metriko tonelada.
Daitoy ket nangatngato ti 12.64 a porsyento ngem iti nairekord ti kapada a bulan idi napalabas a tawen.
Ti siyam a bulan a volume ket addaan iti 165,000 metriko tonelada laeng, kurang tapno matukadan ti full-year meat import volume idi 2023 nga addaan iti 1.204 milyon a metriko tonelada.
