Naisapinalen iti katulagan ti Department of Agriculture (DA) ken dagiti nangibagi ti industriya ti bagas iti panangipatungpal ti Suggested Retail Price (SRP) a ₱53 tunggal kilo para iti lokal a bagas.
Segun kenni DA Secretary Francisco Tiu Laurel Jr., panggep daytoy nga ibalanse iti matgedan dagiti mannalon ken budget dagiti consumer.
Inlawlawag ni Laurel a saan daytoy a price ceiling no di ket basaran laeng iti umno a presio ti bagas isu a mabalin nga aglako ti nababbaba wenno nangatngato depende iti kalidad.
Maawat met iti ₱53 a SRP para kadagiti rice miller ken industry groups maibasar iti nagbalin a konsultasion ti DA.
Manamnama nga iruar ti ahensia kadagiti sumaruno nga aldaw iti memorandum a naglaon ti detalye ti SRP.###
