LA UNION – Adda itan iti aywan ti Regional Rehabilitation Center for Youth (RRCY) iti sidong ti DSWD, iti maysa a menor de edad a lalaki kalpasan a matiliw idi rabii iti Oplan:Galugad nga impatungpal dagiti otoridad idiay Barangay Carlatan, San Fernando City, La Union.
Iti nasao a 16-anyos a barito ket sumangsango iti kaso a rape wenno panagrames.
Iti warrant of arrest maikontra iti subject person ket impaulog ni Hon. Judge Alpino Florendo ti Regional Trial Court Br 30 ditoy syudad ken napetsaan ti Mayo 8, 2018.
Awan iti inrekomenda a piyansa ti korte para iti sangsangwen nga asunto ti suspek.
