LA UNION – Pimmusay iti edad a 48 iti maysa kadagiti lead vocalist ti banda nga Aegis a ni Mercy Sunot gaputi sakit a breast ken lung cancer.
Kinumpirma daytoy ti banda nga Aegis babaen ti social media post.
Pinagyamanan da ni Sunot gapu iti nagbalin a kontribusyon na iti musika a Pilipino.
Layos ita ti pannakipag-ladingit dagiti kakadwa na iti musika iti ipupusay ni Sunot.
Sakbay a pimmusay, naibinglay pay ni Sunot iti social media ti pannakilaban na iti sakit a cancer, nga itay nabiit ket nagpa-isidong iti operasyon.
Maipalagip a pinasikat ti grupo nga Aegis karaman ni Sunot dagiti kanta a ‘Luha’, ‘Halik’, ken ‘Basang-basa sa ulan’ idi 90’s nga agingga ita ket agtultuloy a pat-patukaren dagiti Pilipino.
