LA UNION – Iti Lung Cancer ti numero uno a pakat-katayan dagiti lallaki ditoy Pilipinas ken iti intero a lubong.
Kadagiti babbai, iti lung cancer ket rank number 4 a pakat-katayan ditoy Pilipinas ngem rank number 3 iti intero a lubong.
Ditoy Pilipinas, maibasar iti datus, 18.1 iti mortality related cancer partikular ti sakit a cancer iti bara.
Segun kenni Dr. Guilvic Tirzo Aspiras, Internist Pulmonologist, umub-ubing dagiti makap-kaptan ti sakit a lung cancer.
Gaputi dayta, ikag-kagumaan ti grupo da, partikular iti Philippine College of Physicians (PCP), Philippine College of Chest Physicians (PCCP), La Union Medical Society, ken Lung Center Care ti Ilocos Training and Regional Medical Center (ITRMC), a maiyadal ken maipasagep-sep kadagiti ubbing ken agtutubo ti dakes nga epekto ti panag-sigarilyo ken panagusar ti vape.
Kinuna ni Dr. Aspiras, agtur-turong da kadagiti naduma-duma a pagadalan ken uray iti barangay tapno mangisayangkat ti lecture seknan iti saan a nasayaat nga epekto ti panagsigarilyo iti salun-at ti tao.
Mangisay-sayangkat da pay ti free chest x-ray ken pulmonary function tests.
Dinakamat na iti dua a problema a nakita da kadagiti pasyente.
Umuna, nu naladaw iti panagpa-check-up ken addan iti stage 4 ti kondisyon iti pasyente bassit metten ti maaramid nga option ken maikadwa, umub-ubing dagiti makap-kaptan ti sakit a lung cancer.
