LA UNION – Arigna na-injury ni eight-time Ballon D’or Winner Lionel Messi kalpasan a nasapa a pimmanaw iti second half ti finals iti baetan ti Argentina ken Colombia idiay Hard Rock Stadium para iti Copa América.
Iti nasao a laban, makita a nasaktan ni Messi bayat ti pananggandat na a kamaten ti bola ken pinadas na a kugtaran sakbay pay a rimuar ken ideklara nga Out-of-bounds.
Dita metten a kellaat a nabaliktad ni Messi ken dagus nga iniggaman na iti kattigid a luppo na.
Iti 37-anyos a ni Messi ket sigud a makapad-padas ti leg injury iti pakabuklan ti torneyo.
Kinapudno na, saan a nakaay-ayam iti group stage finale ti Argentina, sakbay a simrek iti finals.
Laksid a nasapa a pimmanaw ni Messi, naaramid ti team na a maipangabak iti laban kontra Colombia babaen ti goal ni Lautaro Martinez, dalan tapno maibulsa ti bunggoy iti maika-16 a Copa Crown.
Iti Copa America wenno America’s Cup iti pinaka-prestihiyoso a football tournament para kadagiti football team idiay South America.
