Kontrolado itan dagiti rebelde a Syrian ti sentro ken kapitolyo ti Syria a Damascus idi laeng kalman, aldaw ti Dominggo, Disyembre 8.
Daitoy ket kalpasan a pasingkedan ti Syrian opposition fighters ti panagsakop nga isu ti nangitunda ti panagtakas met ti Presidente da a ni Bashar al-Assad.
Kinuna ni Syrian Observatory for Human Rights, Rami Abdel Rahman nga immuna a timmakas ni Assad ken nagturong sadiay Damascus international airport sakbay pay nga inabandona dagiti army security forces na iti lugar.
Ibilbilang ti grupo nga Islamist Hayat Tahrir al-Sham (HTS) a dakkel a balligi daitoy para iti itantandudo da.
Nupay pinaglibakan daitoy iti gobierno, kinuna ni Prime Minister Mohammed al-Jalali a nakasagana isuna iti koordinasyon nu sino ti mapili a lider dagiti kailian na.
Inanayon na pay nga adda dagiti damag a mangipakpakita ti kumarkaro a kaawan ti control iti rehiyon.
Nupay inlibak met ti gobierno ni Assad ti panagatras ti puersa da, adda met ti senyales a talaga nga immatras dagiti soldado ti Syria manipud kadagiti nadumaduma a napapateg a posisyon ti aglawlaw ti Damascus.
Ti Damascus ket addaan ti populasyon bilang a nasurok 2.503M a tattao ken kaadayo a 310km iti ciudad ti Aleppo.
Segun kenni Rahman, ti panaglukat ti nalatak a Sednaya prison, a nakaibaludan ti rinibu a detainee babaen ti liderato ni Assad, ket senyales ti panagbalbaliw ti rehimen a daitoy.
Nabayagen a nagbalin a simbolo ti naulpit a panagabuso ti gobierno ti Sednaya, isu ket ti addang a daitoy ket mangitunda ti nasaknap panagbalbaliw para iti lugar.
Mainayon pay iti daitoy, ti Hezbollah a kangrunaan a kaalyado military ni President Assad ket naipadamag nga batbati dan dagiti strategic areas kas iti aglawlaw ti ciudad ti Damascus ken Homs.
Kaadwan kadagiti tropa ket pinili lattan ti maredeploy iti sabali a rehiyon ti Syria bayat nga ti dadduma ket kaykayat laengen ti agawid idiay Lebanon.
Ti pnag-atras ti Hezbollah ket mabalin a mangpakapsot ti posisyon ni Assad gapo iti napateg a suporta ti militar nga ipapaay ti grupo iti gobierno ti Syria kadagiti naglaas a tawen.
