LA UNION – Kalpasan ti dandani maysa tawen a panaglemmeng iti linteg, iti met laeng pagbaludan ti nagtungpalan iti maysa a wanted a mister kalpasan nga inreport ti bukod na a misis, idi agawid daytoy iti balay da idiay Barangay Duplas, Sudipen, La Union.
Binigbig ni Senior Inspector Allan Alog, officer-in-charge ti Sudipen Police Station, iti suspek a ni Peter Baticaoen, 46-anyos.
Segun kenni Alog, iti suspek ket sumangsango iti kaso a panaglabsing ti Section 5, paragraph A ti RA 9262 wenno violence against women and their children, wenno “VAWC” gaputi masansan a panangkabil na iti misis daytoy.
Kinemmeg dagiti otoridad iti suspek, babaen iti bileg ti warrant of arrest nga inyisyu ni Hon. Judge Ethelwolda Jaravata ti Regional Trial Court Branch 34 idiay ili ti Balaoan gaputi nasao a kaso.
Iti suspek ket agtaltalinaed iti custodiya ti BJMP-Balaoan kalpasan a napaay a makapagpiyansa iti aganay P80,000.
