LA UNION – Maisagsaganan ti kaso kontra ti maysa a mister a maipagarup nga aglaklako iti shabu idiay Barangay Victoria, ili ti Luna, La Union.
Nabigbig ti suspek a ni Renz Marion Ligo, 31, residente ti Barangay Bungor ti nasao nga ili.
Naammuan ti Bombo Radyo manipud ti Luna Police, maipagarup a nagilako iti maysa a sachet a naglaon iti maatap a shabu ti suspek kadagiti pulis a nagpammarang a buyer.
Malaksid iti droga, karaman a nakompiskar ti P500 a buy bust money nga ikot ti mister.
Ti suspek ket maipagarup a simmango metten iti kaso idi napalabas nga addaan met laeng ti pakainaigan ti panagikot iti droga.
