LA UNION – Naipasidong iti kustodiya ti Sto Tomas Police Station iti maysa a 45-anyos a mister kalpasan a matiliwan iti paltog ken bala, idi sinukimat dagiti otoridad iti balay na idiay Barangay Bail, Sto. Tomas, La Union.
Nabigbig daytoy iti nagan nga Arturo Rivera, addaan ti asawa.
Nakumpiskaran daytoy iti cal. 45 pistol ken maysa a magazine a nagkarga iti walo a bala ti nasao met laeng a paltog.
Sinukimat dagiti otoridad iti balay ti suspek maiyannurot iti search warrant nga inyisyu ni Hon. Judge. Bernadette Banicao Abnasan ti MTC, Santo Tomas, La Union.
