LA UNION – Nanayunan manen ti bilang dagiti suicide cases wenno panagpakamatay ditoy probinsiya ti La Union.
Daytoy ket kalpasan a maipagarop a nagpakamatay iti maysa a mister, babaen iti panaglaslas na iti pulso gaputi maipagarop a nakaru a depresyon.
Maibasar iti nakalap nga impormasyon ti Bombo Radyo La Union, maysan a bangkay idi masarakan manipud iti silid na, iti biktima a ni Cleto Fontanos, 46-anyos, ti Barangay Baccuit Sur, Bauang, La Union.
Base daytoy iti salaysay iti pulisiya, ti live-in partner ti biktima a ni Cynthia Rimando, 39, residente ti Barangay Catbangen, San Fernando City, La Union.
Iti met panagresponde dagiti otoridad, nakita da iti maipagarop a sugat iti pungwa-pungwan ni Fontanos kasta met ti inaramat na a naglaslas ken maysa a suicide note.
Segun kenni Rimando, sumagmamanon nga aldaw a madmadlaw na a makapaspasar ti depresyon ti biktima.
