LA UNION – Burburtiya pay laeng iti pulisya ti kinaasino ti suspek a nangpapatay babaen ti pammagsol iti maysa a mister idiay igid ti Naguilian-Baguio Roard idiay Barangay Sili, ili ti Naguilian, La Union.
Nabigbig ti biktima a ni Marcelino Madayag Jr., 32, residente iti nasao a lugar.
Naammuan ti Bombo Radyo manipud ti Naguilian Police Station, maipagarup a nasarakan dagiti residente sadiay ti sidara-dara ken nakadasayen a bagi ti biktima a naglak-am iti pammagsol ti barukongna.
Naiturong iti ospital ti biktima ngem naideklara daytoy a dead on arrival.
