Sumangsango iti kaso a Resistance and Disobedience to Person in Authority ti maysa nga mister kalpasan a nagprobokar daytoy idiay Barangay Central East, Bauang, La Union.
Nabigbig daytoy a ni Michael Galvan, 30, addan asawa, residente ti Barangay Palugsi.
Immuna ditoy, nagresponde dagiti otoridad iti panangiyuna ni SPO1 Uriel Yaranon iti nasao a lugar tapno anawaen iti panangdanog ti suspek kenni Juancho Canoza, 51, addan asawa residente ti Barangay Calumbaya.
Kalpasan iti sumagmamano a kanito, nangrugin a nagisawang iti agkakadakes ken maipagarop a nagpangta pay ti suspek kenni SPO1 Yaranon.
Ngem nagtalinaed a nakalma ni SPO1 Yaranon agingga a kinimmeg na ti suspek nga agtaltalinaed iti pagbaludan para iti naan-anay a disposiyon kenkuana.
