Agtultuloy ti trabaho ti Metropolitan Manila Development Authority a clearing operations kadagiti ruta a pagdaliasatan ti Black Nazarene ita a tawen idiay Manila.
Segun kenni MMDA Special Operations Group – Strike Force chief Gabriel Go, nagguyodda iti nasurok a sangagasut nga illegally parked ken unattended a lugan.
Nairekord daytoy a bilang sipud pay idi Lunes idinto a nasurok 200 a tiket met ti pakabuklan a naiisyu.
Karaman kadagiti pirpirmisenda ket dagiti alternatibo a kalsada tapno natalged ti lugar para kadagiti deboto.
Gapu iti awan sarday nga operasionda, dandani dida makatiliw iti aglaklako iti dayta a lugar, ngem adu pay laeng ti tattao a masitsita da.
Mangrugi ti ruta ti Traslacion sadiay Quirino Grandstand ken agpatingga iti Quiapo Church a manamnama a tabunuan ti minilion a deboto.
