Inikkat ti Philippine Army (PA) ti pakadanagan iti publiko mainaig ti mobilisasyon dagiti Amerikano ken Pilipino a sundalo nga agturong ti Amianan a Luzon.
Segun kenni Army spokesperson Colonel Louie Dema-ala, awan ti nasken a pagdanagan apaman makakita kadagiti military trucks gapwanan a paset daitoy iti bilateral large-scale logistics training ti nagbaetan ti soldado ti Pilipinas ken Estados Unidos nga Exercise Salaknib Phase 2.
Nakatuding met nga isayangkat ti Philippine Army, kadwa ti US Army Pacific ti panagsanay inton aldaw ti Lunes, Hunyo 16 agingga Miyerkules, Hunyo 18, a panggep a mapasayaat pay ti operational mobility, interoperability, ken kinasagana dagiti dua a puersa.
Paset ti panagsanay ti aganay 1,200 a tropa manipud Pilipinas ken Estados Unidos manipud ti 5th Infantry Division ti PA ken 25th Infantry Division ti US Army.
Segun kenni Col. Dema-ala, agbiahe dagiti soldado a sakay dagiti military vehicles manipud Fort Magsaysay sadiay Nueva Ecija nga agturong sadiay Camp Melchor Dela Cruz idiay Isabela a dumalyasat met kadagiti nagduduma nga ili iti Central ken Northern Luzon.
Maballaagan dagiti komunidad nga agannag iti panagmaneho asideg kadagiti nasao a lugan ti militar ken mapakaamwan amin iti presensiya ti convoy kadagiti dalyasatan da a kalsada.
