Itantandudo ti Maritime Industry Authority (MARINA) iti Shipbuilding and Ship Repair (SBSR) Development Bill tapno maaramid a moderno ken competitive iti panagaramid ken panangurnos dagiti barko ditoy pagilian.
Iti pagilian iti mangun-una iti supply ti seafarers ken maikapat a kadakkelan a shipbuilder iti lubong, 66% kadagiti 408 shipyards iti masapol a tarimnen ken 95% ditoy ket limitado iti babassit a repair.
Segun kenni Maritime Industry Authority (MARINA) Administrator Sonia Malaluan, panggep ti singasing a papartaken iti panagala ti permits, aramiden a nalaklaka iti access iti pondo para iti shipyard upgrades, ken maited ti fiscal incentives kas ti VAT exemption, income tax holiday, ken tax credits.
Sinigurado ti ahensya nga adda ti sursuruten da a international standard tapno masigurado nga awan ti dakes nga epekto iti nakaparsuaan iti maaramid nga operasyon.
Agtultuloy iti panakiuman iti Department of Environment and Natural Resources ken Department of Energy.
Karaman ti plano iti panangpatakder ti Maritime Industrial Parks (MIPs) kas sentro ti panagaramid ti barko, training, ken kalakalan, kasta met iti panagaramid dagiti barko a mausar ti gobyerno ken para iti depensa.
No agbalin a linteg, agarop 100,000 iti mapartuat na a trabaho ken mapapigsa dagiti nadumaduma nga indutriya kas iti steel manufacturing, logistics, ken port operations.
