LA UNION – Agtultuloy ti panang-manman ti nabirngasan a “The Monster” ship ti China wenno CCG 5901 iti barko ti Pilipinas nga BRP Teresa Magbanua nga agbanbantay idiay Escoda shoal idiay West Philippine Sea, maibasar iti monitoring ti US maritime expert a ni Ray Powell.
Agtaltalinaed iti Monster ship idiay Sabina shoal iti kaadayu a 600 meters manipud BRP Teresa Magbanua.
Maibasar iti kauddian a report ni Powell, nasaripatpatan pay iti naideploy nga CCG ken Chinese maritime militia vessels asideg iti Esocda shoal ken 15 nautical miles east a naka-2 line blockade formation.
Maysa a Chinese militia ship ti nagturong iti pa-abagatan a daya a direksiyon idiay Sabina wenno Escoda shoal.
Maipalagip a nai-deploy iti BRP Teresa Magbanua idiay Escoda Shoal nangrugi idi Abril ken agtaltalinaed daytoy iti nasao a lugar laksid ti naipadamag a reclamation activities ti China.
