Adda manen iti kabaroan nga insidente iti panang-harass ti Chinese Coast Guard (CCG) kadagiti barko ti Pilipinas a naaramid ita nga aldaw ti Biernes, Hulyo 24, idiay Bajo de Masinloc.
Segun kenni Philippine Coast Guard (PCG) Spokesperson for the West Philippine Sea Rear Admiral Jay Tarriela, binomba manen iti danum ken nangisayangkat iti napeggad a panagmaniobra iti CCG kontra kadagiti barko ti PCG ken Bureau of Fisheries and Aquatic Resources (BFAR) kabayatan a mangisaysayangkat dagitoy iti resupply mission kadagiti Pilipino a mangngalap.
Sakbay ti alas-6:30 iti bigat ket nag-water cannon iti CCG vessel 3107 kontra BRP Cape San Agustin. Kabayatan daitoy iti panagpatrolya a napalikmutan kadagiti CCG ken dadduma pay a Chinese Maritime Militia vessels.
Kalpasan ti nasurok maysa oras ket nag-water cannon metlaeng iti CCG vessel 21581 kontra ti BRP Datu Paduhinog. Ummasideg pay daitoy iti pito laeng a metro sakbay nga intuloy ti panagbomba ti mamindua a daras.
Kinuna ni Tarriela a nasaripatpatan iti Chinese Maritime Militia vessel a mangguyguyod iti tali iti likod ti BRP Datu Sumakwel, bayat a nag-water cannon manen iti CCG vessel 3303 kontra ti BRP Datu Cabaylo sakbay ti alas-nuebe iti bigat ita nga aldaw.
