Impasiguro ti National Security Council (NSC) a tapatan ti maiyannatop nga aksyon ti Pilipinas iti kanito a mangaramid ti provocative action ti nasipdutan a monster ship ti China iti kabaybayan asideg idiay Zambales.
Segun kenni NSC Assistant Girector-General Jonathan Malaya, saan a mabaybay-an ken agtultuloy ti panangsurot ken panangmonitor ti Philippine Coast Guard ken Armed Forces of the Philippines (AFP) ti panaggaraw ti Chinese coast guard 5901 vessel.
Innayon ni Malaya a nainget ti panangmonitor ti Task Force North ken ti National Task Force for the West Philippine Sea.
Agtultuloy met ti panag-challenge dagiti otoridad iti Chinese vessel ken ipaganetgetda nga adda daitoy iti uneg ti exclusive economic zone ti Pilipinas ken saan nga umiso ti panangipapilitda nga agpatpatrolya da iti kinunada nga area of jurisdiction dagitoy.
Patien ni Malaya a ti ar-aramiden ti China ket maysa a klase ti intimidation, coercion, deception, at agression no sadino ket ipakpakitada nga addaanda iti kasta a barko tapno mangbutbuteng kadagiti mangngalap.
Innayon ni Malaya nga iti agdama awan pay ti namonitor da nga inaramid ti Chinese monster ship a blocking ken dangerous maneuvers.
Binalakadan ti gobierno dagiti mangngalap iti nasao a lugar a dumawat laeng ti tulong iti panagpataaw da ket suportaran ida ti gobierno.
