LA UNION – Dead on arrival idiay ospital ti maysa a motorcycle rider kalpasan a madungpar daytoy ti pampasahero a bus idiay kawatiwatan ti national highway a sakupen ti Barangay Masupe, ili ti Balaoan, La Union.
Nabigbig ti biktima a ni Michael Pugat, residente iti Barangay Nalasin ti nasao nga ili.
Naammuan ti Bombo Radyo manipud iti Balaoan Police Station, maipagarup a nag-overtake ni Pugat iti sarsarunnuenna a lugan kasaruno iti pannakaidungpar daytoy iti kasinnabat a bus a manmanehuen ni Manolito Montero, residente iti ili ti San Vicente, Ilocos Sur.
Saan metten a naisalakan manipud ti pannakatay ti biktima gapu iti nakaro a sugat a sinagaba daytoy gapu ti aksidente.
