LA UNION – Na-cremate met laeng idi kalman, Hunyo 24, iti bangkay dagiti uppat nga ag-aama a na-trap iti nauram a balay idiay Barangay San Julian East ili ti Agoo, La Union idi agsapa ti Domingo, Hunyo 24.
Iti eksklusibo nga interview ti Bombo Radyo La Union kenni C/Ins. Bernabe Orebillo, hepe ti Agoo Police Station, kinuna na a nakakaasi iti napagteng dagiti biktima nga isuda George Asprec, iti 74-anyos nga ama; agraman dagiti annak na nga isuda Charles Mathew Higuera, 3-anyos; Charmaine Higuera, 9-anyos; ken Charlie Jhon Higuera, 10-anyos gaputi nakaru a pannakakset iti bagi dagitoy ken arigna saanen a mabigbig ti kinasiasino da.
Agpar-parang iti imbestigasyon ti Agoo Fire Station, a ti nag-overheat nga electric fan iti nangparnuay ti uram.
Saan met a nakarwar a dagus dagiti ag-aama agsipudta immuna a nauram iti agdan a maipagarop a nakai-kabilan iti immapoy nga electric fan.
Kinuna ni Oribello a dagus a nagramamaram ti apoy gaputa naaramid laeng ti light materials iti pagtaengan.
Kabayatanna, naamwam a nakalasat iti insidente iti live in partner iti akinkukua ti balay a ni Asprec.
