Nabiag manen iti saritaan maipanggep iti panagbalbaliw iti liderato idiay Iran gapo iti panagkapsot ti Islamic Republic a nangigubuay ti kaadwan nga aktibista iti pagilian a mangawag ti kabaroan a tignay-protesta.
Segun kadagiti beterano nga aktibista, saan da nga isagmak iti peggad dagiti umili da para iti maysa a gyera. Kasta la unay iti sentmiento ni Narges Mohammadi, Nobel Peace Prize laureate, a nagkuna a saan a rumbeng a maparmek iti Tehran gapo iti panawagan iti evacuation manipud iti Israel.
Kabayatan nga i-alallukoyo dagiti oposisyon iti ruar ti Iran nga agtignay-protesta dagiti umili ket adu met nga aktibista nga adda mismo iti uneg ti pagilian ti awan iti plano da nga agtungpal.
Kabayatanna, nangilatag met ti Iran kadagiti addang a mangkontra kadagiti protesta ken inwaragawag ti gobierno da a patayen da ti siasinoman a matakuatan nga espiya iti Israel.
Nupay nakapkapsot itan iti gobierno nu idasig kadagiti napalpalabas a tawen ket kinuna dagiti eksperto nga adayo nga agkaykaysa dagiti oposisyon.
Gapo iti daitoy ket agtaltalinaed a saan nga ammo dagiti umili nu sino ti suroten da apaman a mapartuat ti baro a rebolusyon.
