Namnamaen iti nairot nga taray iti trapiko ita nga aldaw kagiddan iti panakaitabon ni sigud a 2nd District Congressman Eufranio ‘Franny’ Eriguel idiay ili ti Agoo, La Union.
Segun kenni PCI Bernabe Oribello, officer in charge ti AGOO Police Station, dagiti motorista a sumrek ken rumuar iti nasao nga ili ket kasapolan a dumalan iti Aspiras Highway agturong iti ili a Pugo ken rumuar iti ili a Rosario wenno vise versa.
Malaksid kadagiti otoridad katinnulongda met iti panangipaay ti seguridad dagiti kameng ti militar.
Kabayatan na, mangnamnama latta iti naulila nga pamilya nga iti kabiitan a panawen ket magun-od da met laeng ti hustiya para iti sigud a mammanday linteg.
