Iti maika-14 nga aldaw iti impeachment trial ni Bise Presidente Sara Duterte ket nagbalin manen a sentro iti panagdengngeg dagiti kaskasdaaw a nagnagan kadagiti acknowledgement receipts (AR) ti confidential funds iti Office of the Vice President.
Impakita iti House prosecution panel dagiti dadduma a resibo nga adddaan kadagiti nagan a kapada dagiti nalatak a personalidad ken chichirya!
Pakairamanan kadagiti nagan ket ti Pia Piatos-Lim, Ralph Josh Bacon, Feonna Villegas, Clarisse Hontiveros, Jose Diokno Jr., ken dadduma pay. Adda pay ti nagan a Beverly Claire Pampano, Matthew N. Keso, Jay Kamote, ken Miggy Mango, nga arig na “fruit salad” wenno listaan ti mapan gumatang iti palengke.
Nailista met da Anne Ongpauco ken Heart Santiago, a mapapati nga immawat iti pondo tapno paggatang iti impormasyon ken suplay para kadagiti confidential operations.
Dinamag ti prosekusyon iti testigo a ni Xylene Del Campo nu inadal na dagiti koneksyon ti nadakamat a nagnagan kadagiti opisyales.
Kinunana a saanen sakop pay ti compliance audit na iti nasao a panagtingiting. Pinasingkedan na met nga awan iti ebidensya dagiti resibo a mangpaneknek iti kina-balligi dagiti “reward” operations, kasta met nga awan iti umdas a detalye mainaig kadagiti “supplies” a nagatang.
Agtultuloy nga ad-adalen iti Senado ti Article 1 iti impeachment complaint, a mangdakdakamat iti biddut a pannakausar ti ken sistematiko a korapsyon seknan ti ₱612.5M a confidential funds ti Office of the Vice President ken Department of Education.
