Pimmusay dagiti tallo nga indibidwal pakairamanan dagiti dua a nataengan a babbai nga agtawen ti 85 ken 83, bayat a rinibo a pagtaengan iti nadadael gapo iti nakaro a panaglayos iti makindaya a paset ti pagilian a Romania, segun kadagiti opisyal ti pagilian.
Maibasar iti impormasyon ti emergency response agency ti pagilian, 25 a villages manipud kadagiti siyam a probinsya iti apektado ti napigsa a panagtudo a nangparnuay dagiti panaglayos.
Nadadael dagiti bubong dagiti babbalay, natukkol dagiti kayo, ken saan a madalanan dagiti sumagmamano a kangrunaan a kalsada ti nasao a lugar.
Saan met a madalanan dagiti amin a dalan a sumrek iti ili ti Brosteni idiay Suceava. Kinasapulan met nga agusat dagiti bumbero ti excavator tapno maala iti maysa kadagiti bangkay manipud iti karayan a nanglayos iti lugar.
Maibasar kadagiti videos nga imbinglay dagiti otoridad, makita dagiti pagtaengan ken lugan nga inyanod ti danom, bayat nga agtultuloy iti panangbirok kadagiti posible a biktima.
Kabayatanna, segun iti Environment Ministry, mano a karayan pay iti dimanon iti record high a lebel ti danom ken agdaman a maisaysayangkat iti panagurnos kadagiti nadadael a rangtay.#
