Umabot iti 108 a pamilya manipud iti tallo a barangay idiay Norala, South Cotabato iti naapektaran ti panaglayos idi rabii ti Martes, Oktubre 13, 2026, agarop alas-8:45.
Segun kenni PDRRMO Chief Rolly Doane Aquino, 50 a pamilya iti nailista nga apektado idiay Barangay San Miguel, 50 idiay Barangay Poblacion, ken walo idiay Barangay Lopez Jaena.
Apektado pay iti uppat a purok idiay Barangay B.S. Aquino Jr., kabilang iti Purok Legada, kalpasan a simrek ti layos iti sumagmamano a babbalay kasaruno ti napigsa a buyat ti tudo.
Gaputi dayta, nagpanawagan da SK Chairman Joel Pineda ken Rice Bowl Irrigators’ Association President Nevard Zambra iti lokal a gobyerno ken iti Sangguniang Bayan a mangilatang ti pondo para iti panangipasdek ti nasayaat a drainage system tapno masolusyunan iti masansan a problema iti layos.
Inlawlawag met ni Barangay Kagawad Simplicio Relator a ti napigsa a panagtudo iti kangrunaan a makagapo ti panagngato ti lebel ti danum, isunga nagpalagip kadagiti residente nga agtalinaed nga alerto ken dagus nga umakar iti nataltalged a lugar nu kasapolan.
