BR LA UNION – Personal a binisita ni Department of Education Secretary Sonny Angara iti Banga National High School idiay South Cotabato idi kalman, Setyembre 19 kasaruno ti trahedya ti pammaltog iti pagadalan tapno idaulwan dagiti maar-aramid nga addang ken mangidanon ti tulong kadagiti naapektaran a pamilya ken empleyado ti departamento ti edukasyon.
Nakitaripnong ni Secretary Angara kadagiti staff ti pagadalan, nagannak, dagiti lider ti lokal a gobyerno ken pulisya, tapno pagtignayen dagiti emergency response, mangipatulod iti kritikal a psychosocial service, ken sungbatan dagiti isyu pang-seguridad.
Ininspeksyon pay ti sekretaryo iti pagadalan, dimmar-ay iti security briefing ken debriefing session para kadagiti teachers ken empleyado, bimmisita iti lamay dagiti biktima ken pinapigsa na ti pakinakem dagiti nasugatan nga adda iti ospital.
Impaganetget ni Angara iti kasapolan a panang-paga, koordinasyon iti komunidad, ken aktibo nga interbensyon iti mental health tapno maliklikan dagiti kapada nga insidente.
Kiniddaw ti Department of Education kadagiti opisyal ti barangay ken tanod iti kanayunan a suporta kadagiti police patrol,nangruna iti eskwelaan nga awanan ti bukod a security guard.
Impaayan ti prayoridad ni Angara iti nasapa a suporta iti mental health, ken imbaga na a dagiti isyu nga adda pakainaiganna iti kababalin wenno ugali ket kasapolan ti interbensyon iti sibubukel a komunidad.
