Dagus a nileppas ti The Pod Network iti kontrata daitoy ti podcast a Machong Chismisan kasaruno ti kontrobersiya iti maysa nga episode a napauluan kas “S29E20: Ang Pagbabalik ni Kris Aquino.”
Iti waragawag ti network ita nga aldaw ti Huwebes, Oktubre 15, kinuna daitoy nga epektibo a dagus iti panagleppas ti kontrata ken panagikkat ti programa manipud iti roster da.
Nagrason ti kontrobersiya kadagiti waragawag dagiti host maipapan kenni Josh Aquino, nga addaan ti kapansanan, a nakaala ti adu a pammabalaw manipud kadagiti netizen.
Immunan a kimmiddaw ti pammakawan iti network ken temporario nga inikkat iti nasao nga episode bayat a suksukimaten iti insidente.
Nagkari da met a mangipatungpal ti naingninget nga editorial guidelines iti panagdakamat kadagiti sensitibo a topiko, kas iti disability, mental health, ken kadagiti menor de edad.
