BR LA UNION – Inawagan ti China a panang-atake iti panagdeploy ti mid-range missile system ditoy Pilipinas imbes a pangdepensa, segun kenni Ministry of Foreign Affairs spokesperson Mao Ning.
Innayon na a ti panag-deploy ti Typhon MRC system ditoy Pilipinas ket maipagarop a pangta iti interes ti seguridad ti China ken mabalin a mangigubway ti panagngato ti tensyon iti rehiyon.
Inallokoy na iti Pilipinas a suruten dagiti kari kas ti panagbalin a neutral ken lilikan dagiti addang a mabalin a makapadakes iti interes ti China.
Iti Typhon system a kabaelanna ti mangiyuswat iti agpada a gagangay a nuclear warheads, ket naipatulod ditoy Pilipinas kas paset iti panangikagumaan ti pagilian tapno papigsaen iti depensa na kontra iti pumigpigsa a presensya ti China idiay West Philippine Sea (WPS).
Ibilang ti Pilipinas a napateg dagiti nasao a sistema tapno maprotektaran iti soberanya, partikular iti exclusive economic zone (EEZ) ken tapno suportaran iti Comprehensive Archipelagic Defense Concept (CADC).
Ngem kitkitaen ti China iti deployment kas maysa a probokasyon a mabalin a mangigubway ti arm race ken makasingar iti kinakapya ti rehiyon.
