Plano a tutukan ti Department of Information and Communications Technology ken ti Department of Transportation dagiti serbisyo ti panagsakay dagiti pasahero ti MRT-3.
Nakapamaysa ita dagiti ahensya ti panangpapartak ken ti kaadda ti mapagtalkan nga internet wenno Wi-Fi connection kadagiti istasyon.
Mainayon iti dayta ket ti contactless payments ken AI-powered security technology ti Metro Rail Transit wenno MRT-3 ket nakatuding pay a mapamayat.
Idi kallabes ket insayangkat ni DICT Secretary Henry Aguda ken DOTr Secretary Vince Dizon ti maysa nga inspection ken panagsakay kadagiti tren tapno makita ken mangngegan mismo dagiti reklamo dagiti pasaheros.
Kinuna ni Secretary Aguda ti Department of Information and Comunications Technology a para iti good vibes dagiti amin nga agsakay ket ipaayan da ti pansin ti libre a Wi-Fi.
Innayon na pay a makiokoordinar metten ti ahensya da kadagiti telecommunications providers tapno mapapartak ti bandwith ken mapalawa pay ti Wi-Fi connectivity.
Nakapauneg pay ditoy ti panangpasayaat kadagiti in-station fiber networks ken signal infrastructures kadagitoy a transportasyon.
Inbinglay ni Secretary Aguda a makatalek ti publiko a marikna dan iti panagbalbaliw inton sumaruno a bulan.
Uray dagiti commuter-friendly innovations, contactless fare payments, ken panangaramat ti Artificial Intelligence kadagiti security screening systems ket karaman a maikkan iti pansin.
