Dumanon ti 68 iti bilang dagiti natay a Palestino kalpasan iti inaramid a panagraut ti Israeli military.
Napasamak iti nasao nga insidente bayat a nakapila dagiti biktima tapno makaala ti taraun.
Segun iti United Nations World Food Programme, addaan da ti 25 trucks convoy ken dinupodop dagiti tao idi nakasangpet da idiay Gaza.
Naaddaan laeng ti riribuk kalpasan a makalasat dagiti trucks manipud iti checkpoint ti Israel military.
Depensa met ti Israel Defense Forces (IDF), maysa a warning shot laeng iti inaramid da tapno maikkat iti aniaman a pangta ken saan a direkta a pinalpaltugan dagiti nakapila a Palestino.
Maipalagip nga immunan nga impakdaar ti United Nations (UN) nga adon dagiti matmatay gapo iti nakaro a panagbisin idiay Gaza.#
