LA UNION – Naglosolos iti puwesto ni National Police Commission (NAPOLCOM) commissioner Edilberto Leonardo kalpasan a na-cite in contempt iti House Quad Committee gaputi maipagarop a panagulbod.
Kinumpirma ni NAPOLCOM vice chairperson Alberto Bernardo iti sango dagiti mammanday linteg iti panaglosolos ni Leonardo.
Ngem saanna metten a dinakamat nu sumango iti administrative case ni Leonardo.
Innayon ni Bernardo a kasarita na iti sumagmamano a commissioners ken ipaka-ammo da iti Office of the President babaen iti sekretaryo ti Department of Interior and Local Government (DILG) nu mangisayangkat dagitoy ti administrative investigation.
Maipalagip nga imbilin ti Quad Committee a maibalud iti Batasan Pambansa Complex idiay siyudad ti Quezon ni Leonardo kalpasan a pinaglibakanna ti panagtataripnong sakbay ti pammapatay iti tallo a Chinese drug convicts idiay Davao Prison and Penal Farm idi Agosto 2016.
Iti nasao a panagtataripnong ket napasamak iti Davao City Criminal Investigation and Detection Group Office a dinar-ayan idi ni Davao Prison and Penal Farm Chief Gerardo Padilla ken retired police colonel Royina Garma ngem impatangken ni Leonardo nga awan ti napasamak nga anyaman a panagtataripnong.
