Impasigurado ti National Police Commision ken Philippine National Police a makitinnulong da iti Commission on Human Rights, mainaig iti imbestigasyon seknan ti extrajudicial killings.
Daytoy iti sungbat ni Napolcom Vice Chairman Atty. Rafael Calinisan kabayatan iti briefing ti House Committee on Public Order and Safety, kalpasan a kwestionaran ni Akbayan Partylist Representative Chel Diokno iti kinaawan ti access ti CHR kadagiti police report ken dadduma pay a records ti EJK.
Kenuna ni Diokno, iti lapped ditoy ket iti Executive Order No.2 ni sigud a Presidente Rodrigo Duterte nga isuti nangidaulo ti war on drugs.
Segun ti PNP, agsubmitir da ti report maipanggep iti nagbalin a waragawag ti CHR ken impasigurado ti kooperasyon da iti sidong ti panangidaulo ni PNP Chief General Jose Melencio Nartatez.
Innayon pay ni Atty. Calinisan, addan ti ar-aramiden da a “targeted investigation” ken mangipaay iti PNP ti access kadagiti investigative bodies a mangammiris kadagiti kaso.#
