BR LA UNION – Agtultuloy dagiti naragsak ken namaris nga aktibidad iti town fiesta ti Bacnotan, La Union ita a bulan ti Mayo.
Nangrugi dagiti programa idi Mayo uno, a pakaitampokan iti kultura, agrikultura, ken panagkaykaysa dagiti Bacnotanean.
Tampok iti umuna a lawas ti 16th Diro Festival 2026 nga addaan ti tema a “BEEautiful Bacnotan, Buzzing with Progress” dagiti sumaganad:
- Piesta ti Baybay
- Parada ti Umili ken Agri-Tourism
- BEE-Tech Summit
- 7th Mayor’s Archery Cup
- Lutong Bacnotan & Market Events
- National Public Market Week
Iti “Diro” (Ilocano term iti honey wenno pulot-pukyutan) ket maibilang a One Town, One Product (OTOP) ti Bacnotan, a simbolo iti nasam-it a panagkaykaysa ken panagdur-as ti ili.
Ti selebrasyon ket idadaulwan da Mayor Divine Fontanilla ken Vice Mayor Francis Fontanilla.
