BR LA UNION – Ballaygi ti naisayangkat a Bacnotan School Press Conference idiay Bacnotan Central School a nangrugi idi Oktubre 10 ken nagleppas idi Oktubre 11, 2026.
Addaan daytoy ti tema a “Beyond the Headlines: Student Journalism as a Force for Change.”
Naisayangkat met ti naduma-duma a kompetisyon nga adda pakainaiganna iti panagipablaak, a nakipasetan dagiti estudiyante iti pagadalan elementarya ken sekondarya ti nasao nga ili tapno makipaset iti nadumaduma a kompetision iti panangipablaak.
Daytoy ket paset iti panangbigbig ti napateg a papel dagiti agtutubo a jounalists ken broadcasters iti panangiwaras ti impormasyon ken panangilungalong ti positibo a panagbalbaliw.
Sakbay ti kompetisyon, nangisayangkat ti lecture dagiti hurado tapno maikkan ti giya ken panagsagana dagiti nakipaset iti bukodda a kategorya.
Karaman ditoy ti Column Writing ken Feature Writing iti Ingles ken Filipino, trinatar ni Ms. Kathlene Ramones ti PIA-La Union; Photojournalism ken Editorial Writing ni Mr. Jericho De Leon; Collaborative Desktop Publishing ken Online Publishing ni Mr. Joshua Catbagan; ken Radio Broadcasting Scriptwriting ni Ms. Joanne Ponsoy.
