BR LA UNION – Nasapa nga aglukat inton Lunes, Setyembre 14, dagiti polling precinct para kadagiti botante a kabilang iti vulnerable sector kas paset iti maudi a panagsagana iti kaunaan a regular a Bangsamoro Parliamentary Elections.
Iti eksklusibo nga interview ti Star FM Cotabato kenni Atty. Renault Macarambon, Provincial Election Supervisor idiay Maguindanao del Norte, inwaragawag na nga alas-singko pay laeng ti agsapa ket mabalinen a makabotos dagiti nataen gan, adda diperensiya ti bagi na, ken dadduma pay a kabilang iti vulnerable group.
Agtultuloy iti proseso ti panagbotos para iti amin a kwalipikado a botante agingga alas-siyete ti rabii iti intero a probinsiya.
Kagiddan daytoy, nagpanawagan ni Atty. Macarambon ti Maguindanao Electric Cooperative (MAGELCO) a siguradwen nga agbalin a prayoridad iti panang-mantinir ti natalged a suplay ti kuryente ken maliklikan ti anyaman a brownout iti aldaw ti eleksiyon.
