Agtultuloy ti misterio nga agtatayab a drones idiay New Jersey ken dadduma pay nga estado ti Amerika a nangpadanag kadagiti umili.
Pinasingkedan ni Homeland Security Secretary Alejandro Mayorkas a karaman ditoy dagiti drone ken manned aircraft.
Adu ti nasaripatpatan sipud idi Nobiembre 18, iti asideg dagiti sensitibo a lugar a kas iti Picatinny Arsenal ken ti golf course ni President-elect Donald Trump.
Ngem iti agdama, awan ti ebidensia ti pangta iti kinatalged ti publiko segun kadagiti otoridad.
Saan pay a nalawag no siasino ti mangpatpataray kadagiti drone, ngem awan met ti ganggannaet a nagtaudanna segun kadagiti maseknan.
