BR LA UNION – Nasurok 19,000 a public utility vehicles (PUV) iti intero a pagilian ti nakatuding a maipasidong iti government service contracting program (SCP) ita nga aldaw ti Lunes, Abril 20.
Segun kenni Acting Transportation Secretary Giovanni Lopez, binilinna iti Land Transportation Franchising and Regulatory Board (LTFRB) a tulungan dagiti kuwalipikado a drivers ken operators iti sidong ti nasao a programa.
Karaman ditoy dagiti nagpalista babaen ti online registration.
Innayonn ti opisyal a nasken nga iti uneg ti 24 oras ket on-board dagitoyen tapno mangrugi da metten a makipaset iti nasao a programa.
Gapu iti ballaygi nga information campaign ket naaddaan ti napintas nga improvement a ngimmato ti bilang dagiti nagpalista.
Iti sidong ti service contracting program, mangipaay ti gobyerno ti P30 kada kilometro a subsidya para iti jeepneys, P40 kada kilometro para iti modern jeepneys ken P100 kada kilometro para iti buses.
Maibasar iti patta-patta ti LTFRB nga adda innem a biyahe iti uneg ti maysa nga aldaw idiay EDSA carousel buses ken agingga 100 kilometers kada aldaw para kadagiti buses, UV expresses ken jeepney.
Mamati iti opisyal a nu ngumato iti bilang dagiti registrants ket ngumato met ti bilang dagiti pasahero a mabenepisyaran iti nasao a programa.
