BR LA UNION – Natalged a nakasubli ditoy Pilipinas idi Sabado, Agosto 15, ti maysa nga Overseas Filipino worker (OFW) Kalpasan iti sumagmamano a bulan a medical treatment idiay Hong Kong.
Dagus iti panagasikaso ti OWWA Repatriation Assistance Division (RAD) idi simmangpet idiay Ninoy Aquino International Airport (NAIA) Terminal 3 ti lalaki nga OFW, kabinnulig dagiti kameng ti Overseas Workers Welfare Administration (OWWA) tapno masiguro iti naannayas a proseso iti airport ken ti natalged a panagsubli na ditoy probinsiya.
Gapu iti kasasaad iti pasyente kinasapolanna ti tulong ti ambulansiya.
Naipatungpal ti repatriation babaen iti naannayas a koordinasyon ti OWWA Region 1, OWWA Hong Kong ken Migrant Desk Officer, ken iti pannakitinnulong ti lokal a gobyerno ti Santol nga idaulwan ni Mayor Maria Theresa Lynn Wailan-Senen tapno natalged a maisangpet ti OFW iti pamilyana.
Siniguro ti OWWA Region 1 a maipaay ti kasapolan a medical needs ti nasao nga OFW ken maisayangkat ti medical assessment ken evaluation para iti dadduma pay nga assistance programs a maipaay kenkuana, maiyannurot iti qualifications and documentary requirements ti tunggal programa.
