LA UNION – Nanayunan pay iti bilang dagiti residente nga apektado ti panagtudtudo ken panaglayos, gapwanan ti southwest moonson wenno panagnepnep idiay Mindanao.
Maibasar iti situational report ti National Disaster Risk Reduction and Management Council (NDRRMC), dinuprak ti nakaru a layos dagiti rehiyon ti Zamboanga Peninsula, Northern Mindanao, Davao Region, Soccsksargen, ken Bangsamoro Autonomous Region in Muslim Mindanao.
Apektado iti pakabuklan a 221,435 nga indibidwal manipud iti 363 a barangay.
Umabot iti 21,464 dagiti na-displace ken 20, 026 ti naiyakar kadagiti evacuation centers bayat a 1,378 nga indibidwal iti naki-dagus kadagiti cacabagyan ken gagayyem da.
Kabayatanna, umaboten ti 14 a tattao ti naipadamag a natay gaputi panagregg-ay ti daga ken panaglayos, kaadwan a biktima ket manipud Bangsamoro ken Zamboanga Peninsula regions.
Apektado metten ti pagbiagan iti nasurok 200 a mannalon ken mangngalap, kalpasan a nadadael iti nasurok P17 milyon a balor dagiti mula.
