BR LA UNION – Impaayan ti presidential clemency ni US President Joe Biden dagiti 2,500 inmates,nga agpapada a convicted ti non-violent drug crimes.
Inaramid daytoy ti Presidente ti America, sumagmamano nga aldaw sakbay nga agleppas ti termino na idiay White House.
Segun kenni Biden, dagiti nasao nga indibidwal ket nabayagen a naiserbi da ti naikeddeng a sentensya maiyannurot iti linteg, ngem agtaltalinaed iti pagbaludan.
Nangipaay ni Biden iti pardon ken imbaba na ti sentensya dagiti nasao a balud.
Isuna laeng iti kakaisuna a Presidente ti Amerika a naka-aramid ti nasao a banag.
Idi Disyembre 2024, imbaba ni Biden ti sentensya dagiti 37 a federal inmates a sumangsango iti death penalty, ket inaramid na a life imprisonment without parole.
Impaayanna pay ti pardon dagiti 39 a convicted ti non-violent crimes ken imbaba na ti sentensya ti aganay 1,500 a dadduma a nabayagen a naka-ikaru ti sentensiya iti pagbaludan.
Dinillaw ti sumagmamano ni Biden gapu iti panangipaay na ti pardon ti anak na a ni Hunter a guilty iti tax violations ken na-convict iti firearms-related charges.
