Ar-aramidenen ti Department of Foreign Affairs (DFA) ti amin a kabaelanda a kummiddaw ti pardon kadagiti 13 a Pinay surrogate mothers a nakabalud idiay Cambodia.
Segun iti DFA, sibubukel daytoy a wagas ken adu nga ahensia ti makitinnulong iti daitoy nga addang.
Kinunana pay nga agtultuloy ti pannakikomunikar ti Philippine Embassy sadiay Phnom Penh kadagiti leaders ti Cambodia mainaig iti daytoy a banag.
Maibasar iti statement manipud iti korte ti Kandal, 13 a Pinay ti karaman kadagiti 24 a ganggannaet a babbai a natiliwan dagiti polis ti Cambodia iti probinsia ti Kandal idi napan a Setiembre ken naidarum iti attempted cross-border human trafficking.
Segun iti korte, adda natibker nga ebidensia a panggep dagiti 13 ti maaddaan iti annak a mailako kadagiti dadduma nga indibidual kasukat ti kuarta, a maysa a klase ti aramid ti human trafficking.
