Limmawa pay ti kapagayan a manamnama nga maapektaran ti panagduprak ti bagyong Julian iti northern Luzon.
Maibasar iti datos ti Philippine Rise Information System (PRISM), mabalin nga maapektaran ti igingga 218,425 ektarya ti kapagayan ti Northern Luzon gapo kadagiti napipigsa nga angin ken panagtudo.
Manipud iti nasurok 108,000 ektarya nga immuna a napatta-patta ket naipangato pay daitoy ti agingga 218,425 ektarya.
Dakkel a bilang kadagitoy ket manipud idiay Cagayan Valley, Ilocos Region, ken Cordillera Administrative Region.
Sumagmamano met a kapagayan idiay Central Luzon ti manamnama a maapektaran karaman dagiti kapagayan idiay Pampanga ken Bulacan.
Sakbay pay ti panagduprak ti bagyong Julian, nakaapiten dagiti mannalon ti agingga 137,753 ektarya a pagay bayat nga 131,000 ektarya met ti kapagayan ti adda iti ripening stage wenno asidegen maapit.
Kabayatanna, adda pakabuklan nga 86,786 ektarya iti agdama nga adda iti reproductive stage.
