BR LA UNION – Nasurok a 30 ti natay ken 30 met ti nakalasat kalpasan a nagsuwek iti nagluganan da nga eroplano bayat ti panag-emergency landing daytoy asideg ti Kazakh city idiay Aktau, Kazakhstan.
Iti Azerbaijan Airlines (AZAL) flight J2-8243 ket naggapo idiay Baku, capital ti Azerbaijan, ken agturong koma idiay Grozny, Russia nga addaan ti 67 a pasaheros, a pakaibilangan ti lima a crew members ken 62 a pasaheros.
Maibasar iti inisyal a report, iti plane crash ket gapwanan ti pannaka-dungpar iti grupo ti billit wenno bird strike.
Sakbay dayta, gaputi napuskol a fog idiay Grozny airport, nagrikos ti eroplano idiay Aktau.
Bayat ti emergency landing, saan a nakaawat ti clearance iti crew tapno agdisso idiay Grozny.
Dagiti pasahero ket manipud iti naduma-duma a pagilian: 37 manipud Azerbaijan; 16 manipud Russia; 6 manipud Kazakhstan; ken 3 manipud Kyrgyzstan.
Nangipeksa ti pannaki-pagladingit iti airline company iti pamilya dagiti biktima ken nasiguro a maipaay amin a kasapolan a suporta.
Agtultuloy iti imbestigasyon iti pudno a nakaigapwanan ti plane crash.
