Inyanunsyo ti Philippine National Police (PNP) a mangiwaras da ti aganay 37,750 a kapulisan babaen ti Oplan Balik-Eskwela 2025–2026 ti intero a pagilian kas paset ti natalged a panagrugrugi ti klase ita a Lunes, Hunyo 16, 2025.
Segun iti PNP, bantayan dagiti pulis ti agingga 45,974 a pakabuklan a pagadalan: 38,292 a pampubliko ken 7,682 a pang-pribado.
Maaddaan pay ti aganay 5,079 police assistance desk nga imatonan dagiti 10,759 a pulis bayat a 10,687 met ti mangimaton ti mobile patrols kakadwa dagiti 16,366 a foot patrols.
Babaen ti datos ti Polisya, ti kaadwan a deployment kadagiti pulis ket sadiay
Central Visayas – 7,366
Metro Manila – 4,323
Bicol Region 2,962
Eastern Visayas 2,376
Bangsamoro Region 2,898
Maiwaras dagiti nasao a bilang kadagiti 657 a pagadalan. Sakbayna ket kinuna ni PNP Chief General Nicolas Torre III a ti kinatagled dagiti estudyante, mannursuro, ken school staffs ti kangrunaan nga itandudo da para ti umuna nga aldaw ti panagseserrek.
