BR LA UNION – Immabot ti innem nga oras sakbay a naan-anay a nasebseban iti napasamak nga uram idiay Cabildo Street corner Anda Street, Barangay 655, Manila.
Segun iti Manila City Disaster Risk Reduction and Management Department , nangrugi ti uram agarop alas 5:01 ti malem idi kalman, Pebrero 25, ken dimmanon iti maikapat nga alarma.
Naideklara a fireout agarop alas 11:30 idi rabii ken umabot ti 535 a pamilya ti naapektaran iti nasao nga uram.
Iti agdama, dagiti biktima ti uram ket temporaryo nga immakar idiay Delpan Evacuation Complex.
Saan pay nga ammo ti makagapo iti napasamak nga uram.
